The Life Of Everyone Is Tied Up Between The Passwords! Poem by Dr.V.K. Kanniappan

Hi,
This poem 'The life of everyone is tied up between the passwords! ' is a translation by me of a modern poem by Poet.Narmada Kuppusamy.

கடவுச்சொற்களின் காலம்

கடவுச்சொற்களின் காலமிது.
கணவனுக்கு ஒரு கடவுச்சொல்.
மனைவிக்கு ஒரு கடவுச்சொல்.
கதவைத் திறந்திட ஒரு கடவுச்சொல்
மூடிவிட ஒரு கடவுச்சொல்.
'அண்டாகா கசம்... அபூகா ஹுக்கும்'
கடவுச்சொல்லை அப்போதே
கண்டுபிடித்தவர்கள்
ஒரு சொல் மாறினால்
உனது வழிகள் மறக்கடிக்கப்படலாம்
உனது தலை துண்டிக்கப்படலாம்.
திரும்பிச் செல்ல நாடற்ற
வனாந்திரியாகலாம் நீ.
தான் மறந்துபோன ஒரு
கடவுச்சொல்லை எங்கு தேடவேண்டுமென
தெரியாது துழாவுகிறாள் ஒருத்தி.
தொலைந்துபோன கடவுச்சொற்களால்
நிரம்பித் தளும்புகிறது இந்நகரம்.
கடவுச்சொற்களுக்குப் போலிகள் இல்லை
கள்ளச்சொற்களை அவை
புறந்தள்ளிவிடுகின்றன.
யூகிக்க முடியாத கடவுச்சொற்களுக்காக
மனதின் மூலைகளைத் தூசித் தட்டுகிறோம்.
ஒரு நாளின் தொடக்கமும் முடிவும்
கடவுச்சொற்களால் தீர்மானிக்கப்படுகின்றன.
கடவுச்சொற்களுள் கட்டுண்டு கிடக்கிறது வாழ்க்கை. - நர்மதா குப்புசாமி, ஆனந்த விகடன் 13.07.16