The Mitherless Lammie - Poem by Carolina Oliphant
The mitherless lammie ne'er miss'd its ain mammie,-
We tentit it kindly by nicht and by day;
The bairnies made game o't, it had a blythe hame o't,
Its food was gowan, wi' dew drops o' May.
Without tie or fetter, it cou'dna been better,
But it wad gae witless the warld to see,
The foe that it fear'd not, it saw not, it heard not,
Was watching its wand'ring frae Bonnington Lea.
Oh what then befell it, 'twere waefu' to tell it,
Tod Lowrie kens best, wi' his lang head sae sly;
He met the pet lammie, that wanted its mammie,
And left its kind hame, the wide warld to try.
We miss'd at day dawin', we miss'd at night fa'in';
Its wee shed its tenantless under the tree;
Ae nicht i' the gloamin', it wad gae a roamin';
'Twill frolic nae mair upon Bonnington Lea.
Comments about The Mitherless Lammie by Carolina Oliphant
Read this poem in other languages
This poem has not been translated into any other language yet.
Still I Rise
The Road Not Taken
If You Forget Me
Edgar Allan Poe
Stopping By Woods On A Snowy Evening
Do Not Stand At My Grave And Weep
Mary Elizabeth Frye
I Do Not Love You Except Because I Love You