Robert Burns

(1759-1796 / Ayrshire / Scotland)

The Tarbolton Lasses - Poem by Robert Burns

If ye gae up to yon hill-tap,
Ye'll there see bonie Peggy;
She kens her father is a laird,
And she forsooth's a leddy.

There Sophy tight, a lassie bright,
Besides a handsome fortune:
Wha canna win her in a night,
Has little art in courtin'.

Gae down by Faile, and taste the ale,
And tak a look o' Mysie;
She's dour and din, a deil within,
But aiblins she may please ye.

If she be shy, her sister try,
Ye'll maybe fancy Jenny;
If ye'll dispense wi' want o' sense-
She kens hersel she's bonie.

As ye gae up by yon hillside,
Speir in for bonie Bessy;
She'll gie ye a beck, and bid ye light,
And handsomely address ye.

There's few sae bonie, nane sae guid,
In a' King George' dominion;
If ye should doubt the truth o' this-
It's Bessy's ain opinion!


Comments about The Tarbolton Lasses by Robert Burns

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Read poems about / on: sister, father, truth, light, night



Poem Submitted: Friday, January 3, 2003



[Report Error]