Tiaw La Poem by jose de claro

(jose_de_claro)
3july’06\5: 39

Karuyag ko mapriso,
Kay didto…balay ko kongkreto.
Kumpleto ka sin gwardya,
Aga, udto, gab-I, permi may grasya.

Karuyag ko mapriso,
Kay…nadiri ak pagtrabaho.
Iton ba nga kaon katurog la,
Bug-os nga adlaw nga pag hinigda.

Kadatings sa prisohan, kay damo ka kasangkayan,
Pati mga gwardya nga dagko an tiyan.
May parapamatay tawo, miyembro san sindikato,
May holdaper, carnaper, ngan damo pa nga mga “her”.

Sa prisohan pwede ka magbinagra.
Bisan diin mo karuyag, pwede ka dumura.
Bahala ka kon san-o ka pumarigo,
Waray bado-bado, permi la hubo.

Sanglit kon mabutlaw na an kinabuhi,
Karuyag mo pumahuway? Ay kadali!
Pagbuhat san usa nga krimin,
Pag abot san pulis, diritso amin.