Tulaala Poem by Lance Abellon

bawat bumabagtas sa aking alaala'y kumakabit ako ng tula
mga berso ng pagbabalik-tanaw, mga kataga ng pagsariwa


mga sandaling nagpapatulala ng aking kamalayan
sa mga naikakabit na mga alaala


na nagpapaganda ng mga tulang sumasalamin
sa mga nakaw na sandali ng pag-ibig, pagkatuto at pagkasawi


mga tula ng alaalang nagbibigay ng dahilan
sa patuloy kong paghinga, at pag-iral.



Abellon

24 Pebrero 2016