lapho ungifica ngihleli emgaqweni ongcolile;
umzimba wami ukhombisa
ubuze bami; nezinyembezi zosizi
zigcwele amehlo ami
lapho intokozo yabadlulayo
igxumagxuma ngaphakathi kubo;
eyami inhliziyo ilubaluba;
ngeswele amandla okungqabashiya;
ngihlala njalo ngokufisa;
ngoba inhiziyo yami kayifile;
usize mfowethu ungangidabukeli.
lapho ungifica nginhlevunhlevu;
izifo zomhlaba sezadla zadela;
sengifana nomuthi omdala.
wona osewalahla amagxolo awo;
kungesifiso nanxa lwawo;
kepha njalo kungukudalwa;
kungesifiso naluthando lwawo;
kepha njalo kudaliwe;
yingakho ngithi ungangidabukeli
ngoba njalo ngokwenza njalo
uyobe uphula umoya weNdalo.
This poem has not been translated into any other language yet.
I would like to translate this poem