Vuka! Poem by Mcebisi Shabalala

VUKA!

Vuk' uzithathe sosha lami siyofel' empini
Singamadelakufa kungumsebenzi wami nawe ukufel' empini.
Mina thatha lana ubangule lameva agcwel' izinyawo
Siqhubeke nohambo Felempini.

Luselude ukhalo kulendlel' esiyihambayo makwenzek ukhubek' endleleni
Ungaphel' amandl' akukh' okuza kalula empilweni.
Mawuzwa sengath ayakuphelel' amandla singakafik' esiphethweni
Bambi isandla sami ngikukhumbuze ngesiqalo saloluhambo osufun' ukulishiy' endleleni.
Abaningi esayiqala nabo lendlela bakathal' endleleni
Kanti kwabanye kwaphela zona
Izinsuku zokuphila ababephiwe zona
Uhambo lwabo lwaphetha ngokuphelel' endleleni.

Ukuphuma kwenhlamvu yelanga kuwuphawu lwesiqalo sokuqala kosuk' olusha
Olusinika ithemba ngokufinyela kwebanga elisihlalele
Ukusithela kwenhlamvu yelanga sikwenz ithunzi lokuphumula sivuke sihlakule lendima esisalele.
Ukubona imizamo yabany' iphumelela kungakwenz' ubone sengath okwakh ukuzama akwanele.

Impumelelo yethu ihamba ibanga elingefani mina nawe kukude lasiphuma khona
Siyofika sibazekele nalapho siyakhona ukuthi sibone lukhulu la sihamba khona.
Ingakho ngithi vuka,
Vuk' uzithathe sosha lami siyofel' empini
Singama delakufa kungumsebenzi wami nawe ukufel' empini
Mina thatha lana ubangule lamev' agcwel' izinyawo
Siqhubeke nohambo Felempini.