Waqt Ka Jalwa Poem by Shrini Deewana

Waqt ka jalwa bhi ajab hota hai sanam,
Kabhi hasata hai to kabhi rulata hai sanam,
Pehale guzarti thi har pal tere saath sanam,
Ab milan ke intezaar mein dil tadapta hai sanam.

Ise kahen hum apni kismet ya takaaza waqt ka sanam,
Jo ek duje ke saath pane ke liye dil tarasta rehata hai sanam,
Kaise rokun apne ankhon se behati tere yadon ke ashkon ko sanam,
Ashkon ka har katra tere ek jhalak ke liye behata rehata hai sanam.

Bas tumse hi judi hai meri har ek saansein sanam,
Mera har dhadkan tere hi naam se dhadaktha rehata hai sanam,
Jab bhi mein dekhoon kisi ko chalet haathon mein haath liye sanam,
Tere haathon ke sparsh ke liye mera dil machalta rehata hai sanam.

Tum hi ho chahat tum hi ho mere muskaan sanam,
Tumse hi bani hai kismet meri oh mere pyaare sanam,
Kaise bataoon kya raunak tumne mere zindagi mein layee ho sanam,
Ek seedhe saadhe insaan ko “Deewana” tumne banayee hai sanam.

Ho sake to bas ek reham kar dena “Deewana” par sanam,
Lekar mujhe apne bahon mein mita do mere jeevan ka har gham sanam,
Log kehate hai mohabbat gham ke siwa kuch nahin deta sanam,
Lekar mujhe apne bahon mein galat sabit kardo duniya ke is bhram sanam.

Shrini 'Deewana'