Lady Grisel Baillie

Werena My Heart's Licht I Wad Dee - Poem by Lady Grisel Baillie

THERE ance was a may, and she lo'ed na men;
She biggit her bonnie bow'r doun in yon glen;
But now she cries, Dool and a well-a-day!
Come doun the green gait and come here away!

When bonnie young Johnnie cam owre the sea,
He said he saw naething sae lovely as me;
He hecht me baith rings and mony braw things--
And werena my heart's licht, I wad dee.

He had a wee titty that lo'ed na me,
Because I was twice as bonnie as she;
She raised sic a pother 'twixt him and his mother
That werena my heart's licht, I wad dee.

The day it was set, and the bridal to be:
The wife took a dwam and lay doun to dee;
She maned and she graned out o' dolour and pain,
Till he vow'd he never wad see me again.

His kin was for ane of a higher degree,
Said--What had he do wi' the likes of me?
Appose I was bonnie, I wasna for Johnnie--
And werena my heart's licht, I wad dee.

They said I had neither cow nor calf,
Nor dribbles o' drink rins thro' the draff,
Nor pickles o' meal rins thro' the mill-e'e--
And werena my heart's licht, I wad dee.

His titty she was baith wylie and slee:
She spied me as I cam owre the lea;
And then she ran in and made a loud din--
Believe your ain e'en, an ye trow not me.

His bonnet stood ay fu' round on his brow,
His auld ane look'd ay as well as some's new:
But now he lets 't wear ony gait it will hing,
And casts himsel dowie upon the corn bing.

And now he gaes daund'ring about the dykes,
And a' he dow do is to hund the tykes:
The live-lang nicht he ne'er steeks his e'e--
And werena my heart's licht, I wad dee.

Were I but young for thee, as I hae been,
We should hae been gallopin' doun in yon green,
And linkin' it owre the lily-white lea--
And wow, gin I were but young for thee!

Comments about Werena My Heart's Licht I Wad Dee by Lady Grisel Baillie

There is no comment submitted by members..

Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Read poems about / on: green, believe, mother, heart, pain, sea, running

Poem Submitted: Saturday, January 4, 2003

Famous Poems

  1. Still I Rise
    Maya Angelou
  2. The Road Not Taken
    Robert Frost
  3. If You Forget Me
    Pablo Neruda
  4. Dreams
    Langston Hughes
  5. Annabel Lee
    Edgar Allan Poe
  6. Stopping By Woods On A Snowy Evening
    Robert Frost
  7. If
    Rudyard Kipling
  8. Do Not Stand At My Grave And Weep
    Mary Elizabeth Frye
  9. I Do Not Love You Except Because I Love You
    Pablo Neruda
  10. Television
    Roald Dahl
[Report Error]