Anonymous


Will He No Come Back Again? - Poem by Anonymous

Royal Charlie's now awa,
Safely owre the friendly main;
Mony a heart will break in twa,
Should he ne'er come back again.
Will you no come back again?
Will you no come back again?
Better lo'ed you'll never be,
And will you no come back again?

Mony a traitor 'mang the isles
Brak the band o' nature's law;
Mony a traitor, wi' his wiles,
Sought to wear his life awa.
Will he no come back again?
Will he no come back again?
Better lo'ed he'll never be,
And will he no come back again?

The hills he trode were a' his ain,
And bed beneath the birken tree;
The bush that hid him on the plain,
There's none on earth can claim but he.
Will he no come back again?
Will he no come back again?
Better lo'ed he'll never be,
And will he no come back again?

Whene'er I hear the blackbird sing,
Unto the e'ening sinking down,
Or merl that makes the woods to ring,
To me they hae nae ither soun',
Than, Will he no come back again?
Will he no come back again?
Better lo'ed he'll never be,
And will he no come back again?

Mony a gallant sodger fought,
Mony a gallant chief did fa';
Death itself were dearly bought,
A' for Scotland's king and law.
Will he no come back again?
Will he no come back again?
Better lo'ed he'll never be,
And will he no come back again?

Sweet the lav'rock's note and lang,
Lilting wildly up the glen;
And aye the o'erword o' the sang
Is "Will he no come back again?"
Will he no come back again?
Will he no come back again?
Better lo'ed he'll never be,
And will he no come back again?


Comments about Will He No Come Back Again? by Anonymous

  • (10/28/2015 6:16:00 AM)


    ....nicely composed....wonder when anonymous
    penned these poems ★
    (Report) Reply

    0 person liked.
    0 person did not like.
  • (9/28/2007 5:36:00 AM)


    According to Wikipedia this poem was composed by Carolina, Lady Nairne. This is confirmed by Bartlett's Familiar Quotations (11th Ed.) Curiously, none of her verse appears in the O.U Dictionary of Quotations. (Report) Reply

Read all 2 comments »



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Read poems about / on: nature, tree, death



Poem Submitted: Friday, January 3, 2003



[Report Error]