ଜଗତଜିତା Winner Of The World Poem by Gajanan Mishra

ଗାଳିର ରଙ୍ଗ
ଗଜାନନ ମିଶ୍ର

ଗାଳିର ରଙ୍ଗ
ଛାଡେ ନି ବେ।
ନିରୋଳା ପ୍ରେମରୁ
ବାହାରେ ଗାଳି।
ଆଉ ତୀବ୍ରଘୃଣାରୁ
ବାହାରକରେ
ତୋଷାମଦକାରୀ
କରତାଳି।

ଯିବାର ଅଛି ତ
ଯା, କରତାଳି ମାଡରେ
ପୋଡି ମରିବୁ ତ ମର୍।
ମୋ ପାଖରେ
ଯଦି ରହିବୁ
ମା ଝି ସତରପଟିଆ
ହୁଡା ଶୁଣିବୁ
ସୁଖ ପାଇବୁ
ସ୍ନେହ ପାଇବୁ
ଭବିଷ୍ୟତ ଗଢିବୁ
ସାରା ଜଗତଠୁ
ୱା ୱା ଶୁଣିବୁ।

ତୁ କାହାର ଥିଲୁ,
କାହାର ଅଛୁ
କାହାର ହେବୁ
କହି ଦେ
କେତେ କଣ ଜାଣିଛୁ!
ଆରେ ପସନ୍ଦ ଆସୁନି ତ
ଯା, ମକରା ଜାଲରେ
ଉଚକି ହ।
ଆଉ ରହିବୁ ଯଦି ମୋଠି
ବହି ଖୋଲି ପଢି ବସ,
ଲୋକ ଚିହ୍ନି
ପି ଚାଲ ଜୀବନ ରସ।

ଏ ରସରେ ଏମିତି ରଙ୍ଗ,
ଏ ରଙ୍ଗର ହୋଲି
ଏଇଠି ଖେଳ୍।
ଏଇଠି ତୁ ପାଇବୁ ସବୁ
ସତ ସତ ସତ।
ତୁ ମୋର ମିତ
ଯିଏ ଚିନ୍ତା କରେ ସଦା
ତୋର ଇ ହିତ।
ଆବେ ବେ ଆ
ଆଉ ଢୋକେ ପି
କଷାପିତା
ଆଉ ହ ଯା
ଜଗତଜିତା।

ତପୋବନ, ଟିଟିଲାଗଡ, ବଲାଙ୍ଗିର
21/3/2019