Zindagi Poem by Harmeet Saluja

Zindagi

Zindagi ke mod bhi ajeeb hote hai,
Jo har kisi ke naseeb me hote hai,

Jo socha hota hai, wo kabhi nahi hota,
Aur jo kabhi socha nahi hota, wo bhi kabhi hai ho jata,

Kabhi ho jati hai gamo ki barsaat,
To kabhi-kabhi to hoti hi nahi khushiyo ki shuruwat,

Kabhi ban jate hai kitne dost naye,
To kabhi dikhte bhi nahi unki parchayee,

Kabhi hota hai pyar aur pata bhi nahi chalta,
To kabhi kab wo bewafa ho gaye, ye pata bhi nahi chalta,

Kabhi chaatni padti hai dharti ki dhul,
To kabhi hote hai raasto par sirf phool,

Kabhi kisi ki yaadein satane lagti hai,
To Kabhi apni yaadein kisi ko satane lagti hai,

Kabhi zindagi ke har pal ko jeene ka maan karta hai,
To kabhi kab aayegi maut, ye dil socha karta hai,

Kabhi mehfil me rehne ka maaza aata hai,
To kabhi tanhaiyo me jeene ka maaza aata hai,

Kabhi khushi ko pakar aansu aa jate hai,
To kabhi aansu ko pakar hasi aa jati hai,

Kabhi dil kisi ke liye bechan rehata hai,
To kabhi dil bewafa ko dhid-karta rehata hai,

Kabhi suraj ki roshni achi lagti hai,
To kabhi chandni raat bhi kharab lagti hai,

Kabhi insan dil se Khuda ko yaad karta hai,
To kabhi kab Khuda ko bhula gaya ye bhi yaad nahi rehata hai,

Kabhi sochta hu zindagi ke baare mein,
To dil kehta hai zindagi ke baare mein,
Ki ae zindagi, zindagi tu kya,
Jo de tu zindagi aur na bataye ki muskurana hai kya..