Apni bigri hui baatoN ko banaana seekho
Bujh bhi jaayeiN to chiraaghoN ko jalaana seekho
Dekhna ghair sitam tum pe kare ga phir se
Koi takleef ho dushman se nibhaana seekho
...
Dar band ho chuke haiN mohabbat ke baab ke
Hum muntazir haiN aaj bhi tere jawab ke
Manzil na ban sake ga wo hum ko thi ye khabr
Dil bhaagta tha kyuN bhala peeche saraab ke
...
Tire waaste hi sitam gar rahi hooN
Humesha se main tere dar par rahi hooN
Samajhta hai kyuN mujh ko pather sanam tu
...
Hum ko bhi chaahat thi bohat
Tum meiN bhi jur´at thi bohat
Hum ne kiya tum par yaqeeN
...
Apni Bigri Hui Baaton Ko, ... (Ghazl)
Apni bigri hui baatoN ko banaana seekho
Bujh bhi jaayeiN to chiraaghoN ko jalaana seekho
Dekhna ghair sitam tum pe kare ga phir se
Koi takleef ho dushman se nibhaana seekho
Tum bhi jhuk jaao samar daar shajar ki soorat
Garmi e dil se phal o phooL bhi pakaana seekho
Tum kahiN kaanta, kahiN pather, aur kankar rakh kar
Apne haathoN se har ik zakhm sajaana seekho
Waqt ke saath chalo, rah bhatak kar dekho
Behte paani ki taraH khud ko bahaana seekho
Ban ke sandal to jalo tum bhi miri jaan e kaNwal
Aaj mehfil meiN mehak chod ke jaana seekho