गोसोनि गोरोबै सानस्रि Poem by Beson Swargiary

गोसो मेगननि नोजोरफोरा नुहरदोँ
बिरबायनाय खोमसि हरनि आन्दो आन्दो
लाजिस्लु गावदां अखाफोर सिखोलानि
रैरुब मिनिस्लु सोरांनि मिनिनाय ।

गोरबो अखोराङाव दाउ थेँफ्लेँनि गोसोआ
सिमा गोयै थांखिनि मिजिँफोराव गोजावबायदोँ,
सिमां गोसोनि सानस्रिफोरा
जोबनो गोयि मांखरसालिनि अननाय लानो ।

गोरबो अखोरांनि गोसो हाथरखिफोरा
हास्थायनाय मिजिँ सान रजेनि मिनिनायाव
नुजा हांदो दोरमि सिमांफोरनि आगान,
गाबगोनां सोमखोर मिथिंगानि बिखायाव
फुलुं गोनां सानस्रिनि जोँथि मुक्ताफोरा
सोरांनि लामायाव जिरायना मिनिखैरो मिनिफैयो ।


Date: 19/01/2015
Time: 03: 20 am