गोसो बिबार Poem by Bidindra Basumatary

गोसो बिबार गेलाङो
आंनि गोर्बो इसिंआव
मोदोमफ्रु हायना गोनां
रंगिना गाब फाइलि
सेवना थाङा
गोमा लाड़ा
आंनि गोर्बो इसिंनि
बारग्लांनाय बारफुनाय बिबार
थागोन नोंसोरनि मुंख्लं खाम्फायाव
अराय गोमोरना
जिउमाया हानहरदो
आखाइ फोलावहरदो
नाजावदो थुनलाइखौ नाइहरना।
गोजोन आंनि गोसोआव
सोरां बिलाइदो
थुनलाइनि फोथारा
आंबो हाल-एवगोन
नोंसोरखौ गोसोखांना
आंबो थुनलाइनि सोमखोर आबाद मावगोन।
फिथाइया जेखियानो जाया
बिफांआल' ग्रौ-ग्रौ जाथों!