बिमानि मोदै Poem by Bidindra Basumatary

बिमानि मोदै

Rating: 5.0

सुखु-गोजोन, खौसे गैया जाबाय
बड'लेण्ड बिखायाव
गावजों गावनो जायो जेब्लाबो
सुथुर..........।
गैलिया जोंनियाव साननाय
खौसेथिनि गोहोनि फारसे,
नारानाथा जायो जों
गावजों-गाव सेरखाय-बेरखाय;
नायनो हाया जों गुबुननि गोजोन
दानानै लानो रोङा जों गोथार जिउ,
गैयि जोंनियाव गियान होबथानो
सिम्ब्रेनाय बारहुंखाखौ।
दिनै बिमानि मेगनाव मोदै
गोसोआनो जाया जोंहा बुजिनो
मानो मोदै बिमानि मेगनाव?
आवगायलांलिया जों हुगारनो
बिमानि मोदैखौ;
सानसेदि जागोन बाना
बिमानि मोदैजों
सानलिया जों बेखौबो
जिउ मोनसेयाव।
बिमानि मोदै, ग'बोयो
गावजों गाव खौसे गैयि
इनाय अनागार आखुआव;
गोसोआनो जालिया गानहोनो
खौसेथिनि लोखौ बिमानो।

Saturday, November 7, 2015
Topic(s) of this poem: sad
COMMENTS OF THE POEM
Kumarmani Mahakul 07 November 2015

Wonderfully drafted sad poem really.10

0 0 Reply
Bidindra Basumatary 07 November 2015

बर'नि माखासे गावजों गाव नायलायनो हायि थासारियाव बे खन्थाइखौ लिरनाय जादो।

0 0 Reply
READ THIS POEM IN OTHER LANGUAGES
Bidindra Basumatary

Bidindra Basumatary

Bhatopara [13/04/1997] Panbari, Bijni
Close
Error Success