नै! नों बुरै दैसा
बड'लेण्ड बिखायाव जोनोम लाना
हिमालय हाजो आफांनिफ्राय ओंखारबोना
मानास हाग्रामा सिंखाव बोना
बोहैलांदों बेसेबा खुसियै
बड'लेण्डखौ हायनारियै समायहोनो।
होयो नों जिबि-जुनारनो
गोरान रानज्रिं बोथोराव
थरथिंसे दै;
होयो नों मुथासे हासार
सुबुं माहारिनि आबाद थिलियाव,
थायाखै नों उन्दुस्रिनानै
सुबुं माहारिनि अलखदआव।
नाथाय दं नोंनियावबो रागा
सुबुं माहारिनि सायाव
खालामो नों बयखौबो हालाय-हाफाय,
फोजोबस्राङो नों धोन-दौलद
दैबाना लाबोना, हाब्रां खुरखाना।
दैज्लांनि जावरिखांनाय अखाजों
जायो नों गांगाथेफा ना बादि,
जायो नों मेसेंआव
उखैहाबनाय मोसानि उदै बादि;
मायाबि! नों मायाबि,
नै! बुरै दैसा
आंनि मोनसेल' आर'ज-
मानास हाग्रामाखौ लोमसावनानै
दाखालाम नों हालाय-हाफाय
बेनि बिखायाव राज्यो जानाय
दाउसिन-दाउला, मि-जुनारखौ।
This poem has not been translated into any other language yet.
I would like to translate this poem