समायना फुंबिलि Poem by Bidindra Basumatary

सानजा अख्रांआव मानबायबोगौ
जेन्थ'खा गाब गाफ'बना
सोरां बिलायनो
बुहुम बिखायाव।
दाउसिन-दाउला देंखो बोबाय।
एमनिफ्राय सिखारनो बाब्लाबो
गोसोआ जाबाय फुंबिलि सिख्ला
नायनो गोसो दुंबाय।
बरायलु साननि बारजों
देंखो रिंबोयो
दावगालांनायनि जाख्रिसे।
मोखां सुस्रानाय सिगां
नुसारै मिथिंगाखौ
नुनो मोनबाय समायनायै
मोखां बिलिरनाय उनाव।
मा एसे मोजां
समायना फुंबिलि सिख्ला।
बिखा मोदोम खानाय स्राय हगारसारनाय
सोमखोर गोलाव समायना गाबनि खानाय।
खाफाल खनासेयाव
सोरबा रजेनि गोथार गाब
जुलिनि सिमां।