Nithya Balachandran


സ്വപ്ന നാട്ടിലെ മാപ്പിൾ മരച്ചുവട്ടിൽ ഒരു ദിനം - Poem by Nithya Balachandran

................................................. ...

ഇതുവരെ കാണാത്തൊരു നാട്ടിലെ

വിജനമാം പ്രദേശത്തെ ഭംഗിയേഴും

ഒരു മാപ്പിൾ മരത്തിൻ തണലിൽ

ഇരിക്കണമെനിക്കു, ഒരുദിനമെങ്കിലും
.
.
.
താമ്ര വർണപ്രഭചൊരിയും

മാപ്പിൽ ഇലകൾ തൻ സൗന്ദര്യം

കണ്കുളിർക്കെ കണ്ടിരിക്കണം,

മതിമറന്നേറെ നേരം, ശാന്തമായ്
.
.
.
എന്നിട്ടാ ആ സുന്ദരവൃക്ഷത്തിൻ

മനോജ്ഞമാം ചിത്രം ഒരു കവിത

യായെൻ മനസ്സിൽ കുറിയ്ക്കണം.

പിന്നെയതു ഈണത്തിൽ മൂളിടേണം
.
.
.
ശീതമാം കാറ്റിൻ തലോടലേറ്റ്

ഒരു പുസ്തകം വായിക്കണം.

ആ മരച്ചുവട്ടിലിരുന്നെനിക്ക്

ഒരു ചാറ്റൽ മഴ നനഞ്ഞിടേണം
.
.
.
പേരറിയാത്ത കിളികളുടെ

കളനാദം കേട്ടൊന്നു മയങ്ങണം

മഴവിൽ ആഴകുള്ള സ്വപ്നങ്ങൾ

വിരുന്നുകാരായ് എത്തിടേണം
.
.
.
മനസ്സിൽ വിരിയുന്ന ചിന്തകൾ,

ഒരു മയിൽ‌പീലി തുണ്ടിൽ മഷി

പുരട്ടിയെനിക്കൊരു കടലാസ്സിൽ

അക്ഷരങ്ങളാക്കി മാറ്റിടേണം.
.
.
.
ആ മരത്തതണലിൽ പ്രിയമേറും

മധുരഗീതങ്ങൾ കേട്ടിരിക്കുമ്പോ

ഴെൻ മനം ഒരു പുഴയെന്നപോൽ

സ്വച്ഛ ശാന്തമായ് ഒഴുകിടേണം
.
.
.
സായംസന്ധ്യതൻ സുവർണ്ണ കാന്തി

ആവോളം ആസ്വദിച്ചിരുന്നെനിക്ക്,

ആ ദൃശ്യജാലങ്ങൾ തീർത്ത ചിത്ര

കാരനായൊരു സ്നേഹഗീതം പാടിടേണം
.
.
.
രാത്രിയിലെ മരംകോച്ചും തണുപ്പി

ൽ മൂടിപുതച്ചിരുന്നു തീകായുമ്പോൾ,

മധുരതരമൊരു രാക്കിളിപാട്ടെൻ കാതു

കളിൽ സംഗീതമായ് പൊഴിഞ്ഞിടേണം
.
.
.
മേൽക്കൂരകളില്ലാതെ, ആ രാത്രി,

എനിക്ക് വാനിൽ മിന്നും താരങ്ങളെ

നോക്കി എന്റെ സ്വപ്ന നാട്ടിലെ

മാപ്പിൽ മരച്ചുവട്ടിൽ അഴലുകളെ

ല്ലാം മറന്നൊന്നു കിടന്നുറങ്ങിടേണം!

Topic(s) of this poem: tree

Form: Free Verse


Comments about സ്വപ്ന നാട്ടിലെ മാപ്പിൾ മരച്ചുവട്ടിൽ ഒരു ദിനം by Nithya Balachandran

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Monday, November 30, 2015



[Report Error]