गोरबोनि खबाम Poem by DINGRAI BASUMATARY

'दा थोब्लिथ माब्लिथजोंब्लाबो गोजोनदो सना
उनाव गावनि समाव आलो आलो थादो'

नों लिरहरनाय
inbox नि बै रावफोरा
दं लोगो दिनैबो
remove जालांआखै,
गोरबो locker आव
आलोयै दोन्दों आं जायखौ
गुनजेरफोरनि नोजोरनि आन्दोआव

गोसो जायो खन्थाइ सुजुनो
सल' सल'मा लिरनो
गांसे आबुं
Memory note book
खालामना दोन्नो

नाथाय
गोसोम थैनि दोहौआव
आंनि सानस्रिया
एखमब्ला नोरजिया जालाङो
आंनि गोसोआदि लोरबां जोबोरै

लोगो...
आंहाथ गैया जेबो
होनो नोंनो
दंबोल'
गोरबो जिउनि फोथायथि
नोंनि सायाव

हास्थायोल' अराय
बोहैलांथों थादनाय गैयै
नों आरो आंनि
आंगो लोगोनि मोन्दांथिया
नों सुजुनाय
मिजिंनि दैमाखौ नागिरनानै l