सानाखैमोन आं Poem by DINGRAI BASUMATARY

नोंथ' मालाय नङा
उखैनांनायाव..
गोमोन बालाम थायसेखौनो
सेलाय बेलाय जानानै गोजोन्नाय
नोंनोथ' आंनि आंगो बिनानाव

बिनानाव...
नोंहा गोसोआव दंना...?
बै गौरां दैसा गाथोनाव
बालानि न' लुब्ला
मददनि अन्थाव नोजोरजों
आंनि सेराव सथबफैनायखौ
मिथिगौना नों...?
बै गोजाम सावगारिया
आंनो होफैयो दिनैबो
सुजुनो खन्थाइनि खबाम

सानाखैमोन आं
आंनि बे, नोंखौ अनबोनाया
नोंनि गोरबोआव
एखुथायै दलरसे जायगा लागोन
मानोना
नों आरो आंनि आंगो मोन्दांथिया
थैनि सोमोन्दो नङामोनब्लाबो
नोंदि जायगा लाबायमोन
आंनि गोरबो जिवाव
अराय आंगो बिनानावनि l