फुनज'नि खन्थाइनि सेर सेर..... Poem by DINGRAI BASUMATARY

नों माबोरै दं, आंहा सोंनांगौ गैया
नाथाय आं मिथिनो लुबैदों
नोंनि गोजोना दा बबेयाव....?
नोंनोथ' बुंदोंमोन...
'आं आंनि जिउनि गोजोनखौ
गोरबो एमआवनो दोनो आलोयै'
अब्ला मानोथो दिनै नों
थांखि गैयै दिङानि सायाव
रुंगुं गैयै लैथो बिखायाव
मेंग्लिनाय सोलेरजों मानो गोजोनखौ नागिरदों..
जाहोना मा...?
लोगो नों बैथा बुनाय लैथोआव
दं बारहुंखा, सिमब्रेनाय गुथाल.....?
नों गिदों नङासै....
खमफिखांदों गोसो....
लोगो.. जिउनि हरै मारुखौ
नों सानलावरियाव गाब दाफुनसै
मानोना नों नागिरनाय जिउनि गोजोना
नोंनि गोरबो एमआवनो दं
नों नायफिन खेबसे..बिखानि हाबब्लांखौ बेखेवनानै...