आं बिबायारि Poem by Baha Basumatary

बेसेबा गोबावसै आं
लेथेर फेथेर जानानै थानाय
फिथायफोरखौ खनथुमबोनाया
उजिनिफ्राय जागायनानै दिनैसिम
आरो इयुनावबो खन्थुमगोन।
आंहा जेबो गैयामोन
लंथंयैनो फैदोँ लंथंयैनो थांफिनगौमोन
जायनि थाखाय बिबायनांदोँ आंखालथिखौ आंबुं खालामनो
दाखोर-दाला खन्थुमनांदोँ
नंगौखौ लानांदोँ नंङाखौ गारनांदोँ
थार आरो सोथोखौ मोननो
अरायबो बिबायारि जानांदोँ
बे संसारनि।
आय' गसाइ! आं मिथिमोना
माब्लादि मोनहैगोन आंनि थांखि
बिबाययै बिबाययै
दिनै आं मेँग्रुलायलांबायसो
आरोबावदि बेसे गोजान दंबावो नुहरसवा
बे लामाखौ।