उदांस्रि Poem by DINGRAI BASUMATARY

बेसेबा गोबाव जालांबाय...
नोंखौ लानानै सुजुनाय
जिउनि मिजिं

नोंखौ फैगोन होन्नानैनो
लांगोनाखौ साजायदों
गोमो गोथां मोदोमफ्रु
गोरबोनि अनजिमा गैयै गाबजों
नाथाय नों दाबोदि सफैदिया...?
मानोदि नों एसेबां गोबाव खालामखो...?

हनै....नोंखौ बरायनो थाखायनो
अरायसम मोन्नो थाखायनो
सानथ्रहायै आगोमा जिउ
मुंख्लं मुं मोनबाय
नों बेनि खौरां मोनाखै....?

नोंखौ फैथारगोन होन्ना
फोथायनाय दं गोसोआव
नाथाय एखमब्ला मानोदि लोरबां मोनो
नों गोजानैनो गोजान जालांगोनसो नामा....?

नों फैयोबोला दावसिनफोरा रोजाबगोन
बिलाइनि सेरजायाव बारआ देंखो बोगोन


आय' उदांस्रि
नों आरो बेसे गोबाव.....?