गोदान हार्किउलिस Poem by Prasenjit Mochahary

उन गोदान खन्थाइबादि
बुजि मोना मोना एबा
गोदान खन्थाइगिरिबादि
ओंथि बेरखांहोनो हाया हाया

गोहोनि दावहाथिलि ना
दावहाथिलिनिसो गोहो
बेयावदि गले गले नुजायो

खावख्लाबसे रुथिनि सिमां
स्काइस्क्रेपारनि आद्धा
पुस दाननि निहिर अखायाव
डानलफनि बेसेबांदि सिमां गोजावलाङो

मरिसिकानि मोदाननायबादि
गोमालाङो बिसोरनि मोदै
सोदोमस्रिनि सोराङावबो
सुनाय जाया बेसेन-गिलिरथि

बिसोरनि गोसोआव
मोनसेल' साननाय मोनसेल' मिजिं
थाजिम हास्थायनाय-
सहायनाय-थांना थानायनि मोनसेल' थुलुंगा

रामलिला-लास्त गेतनि
मास पिकेथिं एबा
हांगार स्थ्राइकल' नंला

जिउ अख्राङाव
जेब्लाबो मोनदांनाय, जेब्लाबो नुनाय
मुलुगनि बे जोंब्लावनाय अरखौ हुखुमोरनो
जोनोम मोनफिनथोंसै
गोदान हार्किउलिस।