उदांस्रिनि मिजिं Poem by Prasenjit Mochahary

मिथिंगाया दा ओरैसो जादों
सुबुं माहारिनि उलथाथिं बोथोर
थांना थानायनि आरोबाव बादायनाय
जिबिफोरनि थाखाय

स्काइस्क्रेपार होसोनाय मुखुबाव
जोंनि थांखिया दा
मिथिंगा अनसायनायनि नङा

सोरजिलु नंल्या नोंनि मावनायाबो
नङा आंनि मावनायाबो फोथायथाव
उखैहाबनाय गोसो गोजोनग्लायहोनो
अहा अहा जानाय फुलथालिमनिसो बहर नांदों
नों हागौना आं हागौ

गोदान सुबुङा मोनदांङो
गावआरि जुनिया गोसोनि उदांस्रि
जिउ मोनसेनि गासै दुखु-दाहा
हरसेनि मादावनो सोलायजोबगोन
सुखु-गोजोन, मिनि खुसि
बेनिनो मिजिङाव दङ'
गड'खौ लामा नायै नायै
माब्ला सौफैगोन माब्ला सौफैगोन....