जिउनि मोगथां लामायाव मोनबोनाय
अनजिमा गैयै दुखु-दाहा आरो जखमजों
हाया हाया जुजिनो गोनां जानानै
समाय लादोंमोनब्लाबो
...
बै जारिमिना
जारिमिन जानानै गैला,
मिथिंगाखौ गोदोना सेरथेनानै
...
गावदां फुरनिमा अखाफोरबादि
जोंखोल जरासे मेगना
मा नागिरनायनि इसारा होयो
दिनैबो आंदि बुजिमोनाखै
...
उन गोदान खन्थाइबादि
बुजि मोना मोना एबा
गोदान खन्थाइगिरिबादि
ओंथि बेरखांहोनो हाया हाया
...
आंनि सैनाया सानसे आंखौ हांख्रायहरदोंमोन
बिनि खाउलायनायखौ लाखिनो नुजाहैदोंमोन आं
गोसोनि जौसिन गोजोननाय लाना
खुगायाव मिनिस्लु मिनिनानै
...
मिथिंगाया दा ओरैसो जादों
सुबुं माहारिनि उलथाथिं बोथोर
थांना थानायनि आरोबाव बादायनाय
जिबिफोरनि थाखाय
...