ನಗು.... ಮುಗುಳು ನಗು..! Poem by Vidya Pandarinath

ಶಿಶುವಿನ ಶೂನ್ಯ ದೃಷ್ಟಿಯ

ಮುಗ್ಧ ಎಸಳು ನಗೆ

ಜನಕರ ತು೦ಬು ಆನಂದ;

ಗೊಂದಲದ ಅಸ೦ಬದ್ಧ ವದನ

ಬಾಲ್ಯದ ನಗುವಿನ ಪದರ;

ಆಸೆ - ಭಯಗಳ ವಿಕಾಸ

ಯೌವನದ ಪೊಳ್ಳುನಗೆಯ ಅಡಕ,

ಹುಸಿ ಗೀರುಗಳ ತೀಡು ನಗೆ

ಸ್ವಾರ್ಥಿ - ಭ್ರಷ್ಟರ, ಕೇಡು - ಬೇಡಿನ

ನೀರಗುಳ್ಳೆ ಯ೦ತಹ ನಗೆ;

ವಿಕಾರ, ಅನಂತ ನಗೆ

ಮೃತ್ಯು ಸವರಿದ ಮುಖದ

ನಯನಗಳು ಸಾರುವುದೇನು:

ತಿಳಿದೂ ತಿಳಿಯದ ಈ ಪರಿಯ ಆಯಾಮ

ಹುಸಿ ನಗೆಯ ಬೆಂಬಲಿಸಿ

ಕಡೆಗಣಿಸಿ ಸಾಗಲೆ..........ಇಲ್ಲ ,

ಕಂಡೆಲ್ಲ ಈ ಭಾವಗಳ

' ಸೆಲ್ಫಿ ' ತೆಗೆದು 'ಆಲ್ಬಮ್ ' ಗೆ ಭರಿಸಿದರೆ೦ತು

' ಕ್ಲಿಕ್ ' ನೋಂದಿಗೆ.........! ?