नों सानसे जोनोम जाफैखालि उनाव Poem by Bidindra Basumatary

- - - - - - - - - - - - - - - -
नों जोनोम लाफैनाय हरनि उनफ्राव
सिरि मोनगोन बिसोरबो सानसे
खोमसि हरखौ साजायगोन फोर्बोसालि बादि
जोंथि माथि रिथि रिथा

खुगा मुथेरोंगोन गेब्रेंनाय बाराव
खोमा हमथेनो सोलोंगोन गेब्रेंनाय सोदोबाव
गोग्गो देहा दानो सोलोंगोन ।

फुसनि हराव निहिरनि सोदोबाव
सोंख्रावनाय सैमाफोरनि दावरावाव
उन्दुलांनो हाया जागोन

गोर्बोफोराव गाजा खिलिगोन
बोथोरनिनो हालामाव
देलों देलों देरनो नाजागोन
सोमखोर सोमखोर गसंख्रांगोन