गांसे लाइजाम: नोंनिसिम Poem by Sun Raja

जेब्ला दैबानाया बुखारलांदोंमोन
आंनि गोर्बोनां सिमां-
.............................
नोंनोथ' आंनो बोसोन होदोंमोन
सोमखोर समायना बिफांनि बिलाइफ्राबो
बारदैसिख्लानि सिमब्रेनायाव सिरिलाङो!

फानजारि गंसेनि सिमा बारै
मासे दाउआबो उदां उदां अख्राङाव बिरथिंनो
दिनै उदांस्रि मोनाखै-

नोंनि अनफावरि गोसो
आं मिथियो-
नोंनि उदां हां
आं मोन्दाङो-

नों दाखालि आंनो होलांनाय
गंसे रेबगना
आंखौ दिनैसिमबो थुलुंगा होयो....

नोंनि थाखायनो
आंनि गोर्बोनि
सारि जायै सिमांफ्रा
दिनै उदांस्रि मोनो

नाथाय-
दिनैसिम गोबाव सम जाबाय
नोंखौ लोगो मोनैया! ! !

जै जाथों-
आंगोनिबो आंगो लामा दिन्थिगिरि- नोंनिसिम! ! !