फुंबिलिनि सावगारि Poem by Sun Raja

सानजा अखोरां सान जारां
फुंबिलिनि गोदै सोरां,
बारआ बारदों खोलो खोलो
देहा-सोलेराव नांदों स्रो-स्रो।
फुंबिलिनि देंखो
गोजोन ख'बाम गोनां,
दाउसिन-दाउलाजों लोगोसे
बेसेदि मिलौदो सावगारि गोनां।
हाइला-हुइला गोजोन बारजों
मोसादों बिबारफोरा आलो गोजोन;
मिलौदो फुंबिलिनि देंखोजों
बेसेदि मोन्दों सुदेम गोजोन।
फुंबिलिया दावगायो, समआ खारफायो
फुंनि गोजोन जोंथिया जायो जोंथि गोजों,
गोमालाङो फुंबिलिनि गोदै-गोजोन
बुहुमा जायो राफोद मिथिंगाजों।