निर्णायक अन्वेषण Poem by Basanta Lohani

खतरनाक घुम्तिहरु
एकपछि आर्को
यति चाँडो आइरहेका छन्
सधैँ दबाइएको मान्छेको जीवनमा
जसले सधैँ सम्झौता गरेको छ
सहरमा रम्ने जीवनसँग होइन
भीर पाखामा भेटिने मृत्युसँग
त्यस्तो मान्छेलाइ जीवनसँग जति मोह हुन्छ
त्यो भन्दा धेरै अराजक बन्नमा गर्व हुन्छ
जब उस्ले रोमान्चकारी तरलताको प्रवाह फेला पार्दछ
उस्लाइ लाग्न सक्छ
ठीक बाटोबाट बल्ल पो यात्रा सुरु भएछ कि?
यसरी एउटा ज्वालामुखी बन्न सक्छ
आफ्नै मुलुकामा हराइरहेका
मान्छेको मन भित्र हुने
निर्णायक अनवेषणको

शनिवार, कार्तिक २५, २०५८