Bidindra Basumatary

Gold Star - 5,269 Points (Bhatopara [13/04/1997] Panbari, Bijni)

सानबोलाउरिनि रेगा-6 - Poem by Bidindra Basumatary

राजखान्थिनि खुगा फारब्रै फारबा राजखान्थिगिरिफोर
फैलारबाय दायो बिसायख'थि खाथियाव-खाथि
जाथारलायबाय बिसोरनि फंफ्रोम राव गोदैयाव गोदै
गामि-ओनसोल मिटिंनि आड्डा।
-
साखाथि फाखाथि सेर सेर नांला-बंसा
खारफादों खिथुआव आखाइ थाइनैखौ गथाइ गथाइ
लुबैसुलानि नेर्सोनफोरा बेफोरावनो नुजादों
इसेबो मिथिरोङा बिसोर समाजनि जें-जाबोर।
-
सानैसो फोरोंगिरिफोरखौबो मा नायबावनो बे समाव
फरायसानि महरखौनो बावगारलांदों लुबैनाय खबजायाव
खारफादों राजखान्थिनि खारलिंनाय लामा-लामा
बिबुंथिदों मिटिं-दावटिंआव नङा सोलोंथाइनि।
-
सानैसो टिकादार कन्ट्रेक्टरनि लुबैनाय उदैया
मन'दों आरो मन'दों राज्योनि बारफोरखौ
थोआखै थोआखै रोगादों जेंसिफोरखौ
गावसोरखौल' जिउ गोनां बादि मोनथारबाय जानांगौ!

Topic(s) of this poem: corruption, life, politics


Comments about सानबोलाउरिनि रेगा-6 by Bidindra Basumatary

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Wednesday, December 9, 2015



[Report Error]