सानबोलाउरिनि रेगा-8 Poem by Bidindra Basumatary

सानबोलाउरिनि रेगा-8

उदां अख्रां नागिरदों बर' फिसा
हामा-दैमा जिउ मोनसेखौ लाना
अख्रां नांदां हस्रिखावदों
थामोन्थाइनि मोन्थाइ हारि मोनसेनि।
-
उदां अख्रां मोनब्ला जों जिराया
जों उदां नांगौ उदाङै दावबायनो
जोंनो गोजोन नांगौ सोदोमस्रिनि
बायदि हब्रानाय लामा सामा जौसां।
-
राजखान्थिनि नोजोरजों नंखाय हब्रानाय
गावजों गावनो नांला बंसा मोहेरलायनाय
सोरबाय बुंसोलायदों नोंसोर मोना
उदां अख्रां। मानो मोना?
-
जेखौ जों मोना होनना जना थागोन
मोनगोननि मिजिं फैमाल थांखागोन
जुजिनाय नाजानाय सहायनायानो देरहासारनाय
देरसारखागोन सानसे जों बे सिदलायाव।

Thursday, December 10, 2015
Topic(s) of this poem: hope
COMMENTS OF THE POEM
READ THIS POEM IN OTHER LANGUAGES
Bidindra Basumatary

Bidindra Basumatary

Bhatopara [13/04/1997] Panbari, Bijni
Close
Error Success