Ake Ngikuthume Poem by Sizwe A Zungu

Ngicela ukukuthuma nkondlo yami,
Ngicela ungidabulel' ubusuku uhambe,
Ngicela ungidabulel' imimmango uye kuye,
Uma uzofik' engakathathwa wubuthongo,
Umuhlebele ngicabanga ngaye,
Umtshele ngikubhale ngixhakathiswe wuthando lwakhe
Umtshele ngikulobe nginhlanhlath' ehlanzeni lothando
Bengifohla izikhotha ngithungathana naye
Kuze kwahwalala bheka lutho, inqina kaMabuyaze.

Ngithe thumeka nkondlo yami,
Thubelez' ufike noma ubuthongo sebumengamile,
Ufik' umnyakazise uzifunde wena,
Uyazi ngikubhale ngithuthumela umzwangedwa,
Lapho bengidliwa wubuthongo bothando
Obunguthinte ngazumeka ngaphaphama senginaye...
Le le le kwasa ngavuka kwath' angizishaye etsheni
Lokhu bekuyiphupho nje
Ngicela ukukuthuma nkondlo yami,
Hamba nanxa lina, linje!