ସାରା ଦିନ ରାଜାall Day The King Poem by Gajanan Mishra

ଠିଆ ହୁଅ ହାତ ଯୋଡି,
ରାଜା ବାଣ୍ଟିବେ ପଡି।

ରାଜା ଆମର ବହୁତ ଭଲ,
କୁହ ଯାହା ପାରୁଛ, ରାଜା ଗୋଜା
ବୁଝିଲେ ପୂରି ଉଠିବ
ତୁମ ବଗିଚାର ଫଳ ଫୁଲ।

ଦେଖାଅ ଟିକିଏ ଆଖି ମୁହଁ,
ପଚାରିବା ଆଗରୁ ଦିଅ କହି
ନାମ ଗ୍ରାମ, ଠିଆ ହୋଇ ସେଇ
ଦିଗରେ ଯୋଉଟା ବାମ।

ଏଇଟା ରାଜାଙ୍କ ଆସ୍ଥାନ,
ରାଜା ଯେବେ ଧରାଇବେ ଶଙ୍ଖ,
ମନେରଖ, ହରିବୋଲ ହୁଳହୁଳି ଦେଇ
ବର୍ଷା କରିବ ଫୁଲ ଚନ୍ଦନ।

ଆଉ ପାଖକୁ ଯାଉଛ କି ରାଜାଙ୍କର?
କଣ କହିବ କୋଉ ଭାଷାରେ
ମାନସିକ ସ୍ତରରେ ପ୍ରସ୍ତୁତ ହୋଇଥାଅ।

ହେଇ, ଆସୁଛନ୍ତି ରାଜା, ସଫେଦ ଧଳା
ଗୋଡରୁ ମୁଣ୍ଡ, ପାଚିଲା ପାତଳଘଣ୍ଟା ମୁହଁ,
ପଚାରିବେ କଣ କାମ? ଆଉ ଆଉ
କହିବେ କଣ କଣ, ଧରିବ ନି କଥା,
ଯିବ ଭୁଲି, ଯେମିତି ଦଲକାଏ ପବନ।

ରାଜା, କରନ୍ତି ଆଖଡା?
ସାରା ଦିନ ରାଜା ଛିଡା,
ଆଉ ଗଣତିରେ ବ୍ୟସ୍ତ ନୋଟ
ବିଡାକୁ ବିଡା।