Sa lahat ng sakit na iyong tiniis
Sa mga salitang dinamdam ng labis
Kapatawaran mo ngayon ang nais
At sa piling ko'y huwag umalis
Bakit pangako'y bigla mong binawi
Pag-ibig mo ba sa akin ay napawi
Hahayaan mo bang puso ko'y masawi
At mga mata ko ay lumuha lagi
Wala na bang natitirang pag-asa
Para sa pag-ibig nating dalawa
Aking pagsisisi iyo sanang makita
Pagkat 'di nais na ika'y mawalay pa
Sana ay huwag mong itapon
Alaala ng ating kahapon
Mayroon mang tampuhan ngayon
Maaayos din sa tamang panahon
Kung kinakailangan kita ay suyuin
At habang buhay mong maging alipin
Walang alinlangan lahat ay gagawin
Upang pag-ibig mo'y muli kong maangkin
January 24,2010
Riyadh, K.S.A.
This poem has not been translated into any other language yet.
I would like to translate this poem