Ang Mabuhay Poem by Doris Cornago

Pula ang pakiramdam ng ating pag-iibigan
Bumabalot ang init, masarap ang mabuhay
Pagtitiwala nagpapanatili ng ningas
Hindi ka nawala ngunit natagpuan
Nakapinid na pinto ay nabuksan
Nagkaroon ng direksyon mga
Sali-saliwa, baku-bakung
Daan, wala ng kulang
Wari mo'y itinakda
Ang isang orasan
Katangi-tangi't
Kaakit-akit
Walang
Pagdududa
Maningas parang
Araw, puno ng pag-asa
Nakilala mo na mahigit pa
Naka-daop palad pagpapala
Sobra sobra, parang humahangos
Na alon sa dalampasigan, banayad
Sa simula, tapos parang walang pagsidlan
Umaalimpuyo ang mainit na buhangin, naibsan
Ng dagat sa magkabilang panig, pumanatag, parang
Mga pader ng tubig naging kristal na matatag na gusali
Ngayon na ang pagtutubos, itigil na itong pagbabaka-sakali


Translated from the English poem "Alive"