Apnapan Poem by Shrini Deewana

Apna rishtha alag hai auron se jisme na hai mangalsutra na chutki bhar sindoor,
Prem aur vishwaas hi hai mangalsutra is rishthe ki, aur apnapan hai iska sindoor,
Dosti is rishte ka jadd hai jo pehele hi din dono ne jathayee thee,
Aur jo bharosa tume ne kiya mujhpar pehele hi din us par maine dil lutayee thee.

Us din raat bhar so na saka mein aur bas teri hi tasveer tha dekh raha,
Baar baar ek hi sawaal utha mere dil mein aur baar baar khud se mein yeh pooch raha,
Aise usne kya sochi hogee jo itna bharosa mujhpar jathayee hogee,
Ab dil mein mere bas ek baat thi jo bharosa kiya hain usne mujhpar use jeevan bhar nibhani hogi.

Phir har din woh kab aayegee yehi mera man tha soch raha,
Baitha tha mein rahon mein aur tha rasta us ka dekh raha,
Woh naa aayee saamne mere, par apne sandeshe thi woh bhej rahi,
Jab bhi uska sandesha aata mera man machal jaata,
Aur uske sandeshe ko mein ek baar nahin sau baar pad leta.

Phir aise ek din aayee, jab woh mujhe phir mil gayee,
Unhe saamne dekhte hi mere dil mein dabe saare armaan khil gayee,
Hum dono mein baatein hui, aur haal chaal puche gaye,
Aaj mein bahut hi khush tha, ke woh mujhe phir mil gayee.

Der raat tak hum ek duje se bas baatein hi karte rahen,
Itne dino ke jo chahat thi dil mein, un chahat ko poore karte rahe,
Baaton hi baaton mein hum jaan gay ek duje ki sab baatein,
Dil ko bahut hi sukoon mila, aaj unse karke itni baatein.

Ab har roz hum milne lage, aur der si baatein karne lage,
Bas in baaton baaton mein ek duje ko ab hum jaan gaye,
Mera dil use tha de chuka, par jaan na paya uske dil ka haal,
Usko kaise poochoon mein, kya tune bhi neendh gawaya hai?

Ab mujhe aise lagne laga, ke uske bina na jee paaoonga mein,
Agar woh mujhe na mil paayee to, jeete jee ab mar jaoonga mein,
Ek din himmat jata li meine, aur ek hi pal mein usko yeh pooch liya,
Kya humsafar banogi tum mere, aur jeevan bhar saath mere dogi.

Pehele woh kuch na samaj paayee, aur kuch pal woh khamosh rahi,
Uski khamoshi se ab mein, uski dil ki baaton ko mein jaan gaya,
Uski dil ki ghabrahat mein pehachan gaya, aur raaz us dil ka jaan gaya,
Use vishwaas dilaya maine, uske mann mein ehsaas jagaya meine.

Ab use himmat dilayi meine, hamare jeevan mein na aayegi koi badha,
Na kabhi koi yeh raaz jaan paayenge, yeh hai mera tumse waada,
Ab phir poocha mein us se, kya tum banoge mere Jeevan Saathi,
Bas nau minit ki baath thi, mere haathon mein uske haath thi.

Kal tak mein mohabbat se apparichit tha, aaj mohabbat ko jaan gaya,
Dono mein ab ek chahat jaagi, dono dilon mein mohabbat jaagi,
Ab ek duje ke jeevan saathi bankar, hum ek duje mein kho gaye,
Bhulkar saare dukh aur dard, hum ek duje mein samaa gaye.

Woh din tha sunehera din mere jeevan ka, jab usne mujhe apnaya tha,
Pyaar aur mohabbat kya hai, yeh mere dil ko usne hi bataya tha,
Ab aisa ek pal bhi nahin jab hum ek duje ko na karte ho yaad kabhi,
Aisa ek bhi din raat nahin, jab hum dono ka saath nahin.

Hum dono ne apna jeevan ek duje ko kar diya hai arpan,
Ab ek duje ke bin, hum nahin jee payenge ab ek bhi din,
Mana hum dono hai door sahi, par doori hamare dil mein nahin,
Mere dil mein sada woh rehati hai, aur uske dil mein main rehata hoon.

Bas itna dua hai ab mera rab se, Ke sada hum dono sang hi rahe,
aisa kabhi na koi waqt aaye jeevan mein, Ke hum dono ko hona pade ek duje se juda, jab kehana pade alvida duniya ko, Hum dono ko bas sang hi rakhna,
jab bhi humein tu bulayega, bas humein ek hi sang tu bula lena

SHRINI 'DEEWANA'