Ayaw Poem by Inday Prising

Ni text siya 'amping diha'
ahaka, over sad ning tawhana
nag-inum ra gae mi ka-usa
nag sige naman ug sunud-sunud sa aku-a

'amats ra na' ana ku niya
'dili oi, love jud ning aku-a'
matud pa niya
'love para sa imuha'

love kaha? bantay bitaw
bantay ug dili ka mahilaw
ingna niya ku'g maypa wa ko nitilaw
kay wa jud ku nalingaw

ayaw nalang kaha paglantaw
sa mga mu-agi nga adlaw
isud ta na ug tadyaw
ang mga pagbati mung mabaw

kay kapoy mamuhunan
sa kasingkasing nga way kabuhalan
gisirado ug gitrangkahan
para dili na masakitan

didtu sa kaban
naupsan kini sa kabilinhan
naghuwat nga mahinumduman
sa hukmanan sa mga dughan

kapoy mamuhunan
sa pagbati nga way dugukan
advice naku nimu mudagan
kay kapoy lagi mamuhunan