RIC S. BASTASA


Balak Sa Tikalon - Poem by RIC S. BASTASA

apan lagi kay ang akong
pusod
gitagkos man ni nanay
sa bongbong sa among
balay didtos
Olingan
na, bisan unsa pa kaanindot
ang iceland
ang denmark ang austria
pati na gani ang romania
og bulgaria
pastilan, ang kamingaw nako
sa amoa
dili na gayod maantos maong
gikalimtan ang
mga sausages og beer sa
Munich
ang salad sa salzburg
ang di masabot apan lamiang
pagkaon sa Sofia

gihandom pa gihapon ang
barbecue sa bacolod ang
inun-nan sa dipolog ang
lechon sa cebu

og dayon mas migwapa ang
pilipinas
mas humot og mas lamian pas
kagubkob nga chicharon

Topic(s) of this poem: life


Comments about Balak Sa Tikalon by RIC S. BASTASA

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Saturday, October 24, 2015



[Report Error]