ମା ଆଶୀର୍ବାଦ Blessings Of The Mother Poem by Gajanan Mishra
Gajanan Mishra
ମା ଆଶୀର୍ବାଦ Blessings Of The Mother
ମା ମା ମା
ଗଜାନନ ମିଶ୍ର
ମା ମା ମା
ମା ଅର୍ଥ ଜନ୍ମଦାତ୍ରୀ
ମା ଅର୍ଥ ଜନ୍ମମାଟି
ମା ଅର୍ଥ ମା ଭାଷା
ଆଉ ଯିଏ ଏ ତିନିଟାକୁ
ବିରୋଧ କରେ
ନିଜ ସର୍ବନାଶକୁ ଡାକେ,
ସର୍ବନାଶର ଶିକାର ହୁଏ,
ପତ୍ତାସତ୍ତା ସବୁ ହରାଏ।
ଅନ୍ୟ ଭାଷାରେ କହୁଥିବା
କଥାକୁ ନିଜ ମା ଭାଷାରେ
କଦର୍ଥକରି ମାୟାଜାଲରେ
ଦିଅ ନି ଛନ୍ଦି ଏକା ମାଟିରଲୋକଙ୍କୁ।
ଅନ୍ୟମାଟିର ପଦାର୍ଥ
ନିଜ ମାଟିରେ ରୋପ ନି
ବିଷ ହେବ ତୁମ ନିଜକୁ।
ଅନ୍ୟ ନାରୀ ବି ମା,
ସମ୍ମାନ ଦିଅ, ବହୁତ ଭଲ।
କିନ୍ତୁ ଜନ୍ମଦାତ୍ରୀ ମା, ମା,
ଯାହାର ନାହିଁ ବିକଳ୍ପ।
ମା ଆଶୀର୍ବାଦ ହେଉ ସଂକଳ୍ପ।
ତୁମେ କେମିତି ପୁତ୍ର?
ମା ମରୁଛି ପଡୋଶୀ ହାତରେ,
ଆଉ ତୁମେ ତାକ୍ ଧେଇ ଧେଇ ନାଚୁଛ
ନିର୍ଲଜ ବେହିଆ ପରି ନିଜ ନିଜ ଭିତରେ
ଘିଚାଟଣା ହୋଇ ଘର ଅଗଣାରେ ଗାଁ ଖୁଲିରେ!
ପୁତ୍ରୀ! ତୁମେ ବି ମା, ତୁମେ ଗଢିବ
ନୂଆଁ ଦୁନିଆଁ, ରଖିବ ମାନ ସମ୍ମାନ, ନାଁ।
ବାହାରି ଆସ ଘର ଭିତରୁ ମା,
ଦୁର୍ଗା ହୋଇ, ଦ୍ରୌପଦୀ ହୋଇ
କର ରକ୍ଷା, ମାଟି ଆଉ ମାଟିର ସନ୍ତାନକୁ
ଭବିଷ୍ଯତ ବଂଶଧରଙ୍କୁ।
ମା ମା ମା
ମାକୁ ନେଇ ଲାଭ ଉଠାଉଥିବା
ଠକ ଭଣ୍ଡକୁ, ତୁଚ୍ଛା ଗୁଜବ ରଟି
ବାହାବା ନେଉଥିବା
ମା ବିରୋଧୀକୁ କେବେ ବି
କର ନି କ୍ଷମା, କର ନି କ୍ଷମା ।
ତପୋବନ ଟିଟିଲାଗଡ ବଲାଙ୍ଗୀର
22/2/2019
This poem has not been translated into any other language yet.
I would like to translate this poem
Gajanan Mishra
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
8/30/2026 2:19:37 AM # rel_20260827T145718Z_a0f1bd3
Mother, motherland and mother language