Robert Burns

(1759-1796 / Ayrshire / Scotland)

Bonnie Lesley - Poem by Robert Burns

O SAW ye bonnie Lesley
As she gaed o'er the Border?
She 's gane, like Alexander,
To spread her conquests farther.

To see her is to love her,
And love but her for ever;
For Nature made her what she is,
And ne'er made sic anither!

Thou art a queen, fair Lesley,
Thy subjects we, before thee:
Thou art divine, fair Lesley,
The hearts o' men adore thee.

The Deil he couldna scaith thee,
Or aught that wad belang thee;
He'd look into thy bonnie face
And say, 'I canna wrang thee!'

The Powers aboon will tent thee,
Misfortune sha'na steer thee:
Thou'rt like themsel' sae lovely,
That ill they'll ne'er let near thee.

Return again, fair Lesley,
Return to Caledonie!
That we may brag we hae a lass
There 's nane again sae bonnie!


Comments about Bonnie Lesley by Robert Burns

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Read poems about / on: nature, love, power



Poem Submitted: Sunday, May 13, 2001



[Report Error]