Daghang balak kuno ang
Nasulat sa mga
Nakaabot dinhi
Sa paglakaw sa sayo
Sa buntag
Sa boulevard sa Dumaguete
Kita ang mga panganod
Nga dili matandog
Sa hangin
Kita ang naglawig
Nga sakayan
Tingog sa bugsay
Ang akong nadungog
Sa kaadlawon
Nakita ko ang lunsay
Nga dagat
Ang mga lumot nga lunhaw
Sa daplin sa baybayon
Sa hinay
Nangapalong ang mga suga
Nga naglaray
Sa boulevard
Morag mga mata nga
Mipiyong kay
Mobuka na ang maanyag
Nga kabuntagon
Gisud-ong ko kini
Sa tumang kalipay.
This poem has not been translated into any other language yet.
I would like to translate this poem