بریل
توں روشنیاں دا مینارہ
توں میرے دل دا انگارہ
تینوں اکھیاں کرن سلام سدا
اک باری مل جا دوبارہ
ایناں اکھیاں کھوون والیاں توں
آ رل کے اکھیاں کھوہ لیئیے
ایناں چنگن والیاں چہوٹیاں نوں
آ دونویں رل کے چو لیئیے
اک میں لفظاں دا بنجارہ
اک توں لفظاں دا بنجارہ
توں روشنیاں دا مینارہ
توں میرے دل دا انگارہ
توں وانس ہیں شہر بریلی دا
میں چہوٹا تری حویلی دا
اساں سجن نوراں ناراں دے
اوہ دشمن نار اکیلی دا
اک تیرے دل دا اکتارہ
اک میرے دل دا اکتارہ
توں روشنیاں دا مینارہ
توں میرے دل دا انگارہ
میں طالب توں مطلوب مرا
توں خواب ہے میں ہوں خوب ترا
آ دنیا روشن کر دیئیے
دنیا نوں اگ لگا دیئیے
توں میرے دل دا انگارہ
میں تیرے دل دا انگارہ
توں روشنیاں دا مینارہ
(طالب پنجابی)
This poem has not been translated into any other language yet.
I would like to translate this poem