Tudloan tika kung unsaon pagpatay
Sakit nga paagi'g klarong magdugay
Tusloka ang mata, isiguro ang duha
Para di makakita ug malamba siya
Tabuni ang ilong, pun-a sa gapas
Para di kaginhawa ug maratul siya
Ligoa ug ininit, gabukal-bukal nga tubig
Para masunog'ng panit, mawalang anghit
Pun-a ang dunggan og pulahan nga migas
Kaluy-i'ng migas, ayha dagkutan, bubui'g gas
Pausapag blyed, kanang admiral kay hait
Kaluy-i tawn gamay, paimna'g tubig pait
Kung di nimo mabuhat kay ayaw pagpatay
Sakit man usahay, pero ang gugma atay
Tutuki ang mata, isiguro ang duha
Kung siya'y mamilok, nagpaubos siya
Tan-awa ang ilong kung naglisngag ba
Basin naa'y problema ug kasultihon siya
Hikapa ang panit kung namugnaw ba
Basin kulang sa gakos, nanginahanglan siya
Ihung-hong sa dunggan nga gihigugma siya
Kami mga laki'y gilokan ug kiligon b'ya
Hinaya ang tingog kung galing saputon siya
Tan-awa ang ngabil dayon halok sa iyaha
Duha ka pulong nga pwedeng buhaton
Pagpatay ug pahigugma, asa ka run?
This poem has not been translated into any other language yet.
I would like to translate this poem