ସତ୍ୟ କିନ୍ତୁ ଅଛି But Truth Is There Poem by Gajanan Mishra

ଛାଡିବ କେମିତି?
ଛାଡିବ କଣ?
ଛାଡିବ କାହାକୁ କୋଉଠି?

ଛଡାଛୁଡିରେ ବ୍ୟସ୍ତ ଆମେ
ଏଠି।
ଆଉ ଯାଉଛୁଁ ଭୁଲି
କହୁଛୁଁ ଯାହା ଯେତେ
କଥାକଥାରେ ଏଠାରେ।

ଏଠାରେ ଅଛି କଣ ଯେ!

ଅଛି ଧୂଆଁ,
ଆଉ ଅଛି ନିଶ୍ଚୟ ନିଆଁ
ଆଖେପାଖେ କୋଉଠି।

ଅଛି ହାଣ୍ଡି ମାଠିଆ,
ଆଉ ଅଛି ନିଶ୍ଚୟ
କୁମ୍ଭାର ପାଖରେ।
ଜାଣେ, କୁମ୍ଭାର ନୁହଁ
ଦରଜି କି ଡାକ୍ତର।
ଜାଣେ ନା ଆଉ
କଣ କଣ ଅଛି
ଆଉ ଅଛି କେତେ
ପ୍ରକାରର।
କିନ୍ତୁ ଅଛି ଆଉ
ଅଛି ମୁଁ ।

କହୁ ନି ଅଛି।
ଅନୁମାନ ବି
ପାରିବ ନି କରି
କେତେ ପାଖରେ କି
କେତେ ଦୂରରେ ତୁମଠୁ।

ସତ୍ୟ କିନ୍ତୁ ଅଛି
ଆଉ ଅଛ ତୁମେ,
ଅଛି ମୁଁ।