ଉଡୁଥିଲା ପ୍ରଜାପତି Butterfly Was Flying Poem by Gajanan Mishra

ଭଲକରି ନାଆ
ଗଜାନନ ମିଶ୍ର

ଯେତେ କହିଲି
ଭଲ କରି ନାଆ ବାହା
ଶୁଣିଲା କି ନ ଶୁଣିଲା ନାଉରୀ
ମତେ ନାଇଁ ଜଣା
ନଉକା ଟଳମଳ ହେବା
କମିଲା ନାଇଁ
ଭୟ ଆହୁରି ଚାପି ଆସିଲା
ଆକାଶସାରା ଭର୍ତ୍ତି ହେଲା
ମେଘ ବିଜୁଳି
ସମୁଦ୍ର ନଦୀ ହ୍ରଦ ଥିଲା
ଜଳହୀନ ଆଉ ପୂରା ଶୁଖିଲା
କିଏ କିଏ ଥିଲୁଁ ଆମେ
ଆଉ କରୁଥିଲୁ କଣ
ତୁମେ ପଚାରିବାର କି
ମୋର କହିବାର ନାଇଁ ପ୍ରୟୋଜନ
ଅଳିଆଗଦା ଭରି ଥିଲା
ମନ ହୃଦୟ ଆଉ
ଫୁଟୁ ନ ଥିଲା ସ୍ୱପ୍ନ
ଲକ୍ଷ୍ୟକୁ ରଖି ହେଉ ନ ଥିଲା ସ୍ଥିର
ଅନ୍ଧାରିଆ ଝଡ ଉଠୁଥିଲା
ଥରକୁ ଥର ଭିତରୁ
ଅର୍ଥ ଆଉ ଅନର୍ଥ ଫରକ
ଜଣା ନ ଥିଲା କିଛି
ବୁଝା ପଡୁ ନ ଥିଲା
କଣ ଥିଲା କୋଉଠି କେମିତି
ଅନେକ କଥା ଆହୁରି
ରହିଥିଲା ବାକି
ନ ଥିଲା ସ୍ମୃତି
କହି ହେଉ ନ ଥିଲା
କୁଆଡେ ଘୂରୁ ଥିଲା ଦୃଷ୍ଟି
ହେଉ ନ ଥିଲା କିଛି ସଜାଡି
କାଁ ଭାଁ କୋଉଠି
ଉଡୁଥିଲା ଯଦିଓ ପ୍ରଜାପତି।

ତପୋବନ,ଟିଟିଲାଗଡ,ବଲାଙ୍ଗୀର
19/09/2020