Cha pha cha pha..........
Awa amachembe, sebufikile ubusika.
Okwakuluhlaza, sekomile kufile.....
kuyafa. Zibuke zisamile izihlahla
zinqunu zinjalo.
Cha pha cha pha...........
Awa amathonsi, yasho imvula. Wahamba
umhlaba nezikhukhula. Buka amadwala
eze, ehlelobala kuhle kwezinqa zesele.
Cha pha cha pha.........
Zawa izinyembezi, yaphuka inhliziyo.
Wakhubeka umphefumulo, uyedwa vho
umuntu onsundu Impilo imbuka ezinhlamvini
zamehlo, njengamadwala uze, ithemba
lihambile kuhle komhlaba ohambe nezikhukhula,
usefi ke kwanqi, em'phela ndaba.
Cabu cabu cabu cabu..........
Wasukuma wazithatha.
|Sazi KaMzibeni|
This poem has not been translated into any other language yet.
I would like to translate this poem