Cois Laoi Poem by Matt Mooney

Fear ard a chromann síos,
A leag a shúil ar ní thíos faoi:
Cúig cent ar lána an bhus,
A bhogann thart gan mhoill
Le teacht tráthnóna fhuadraigh
I gcathair chroíúil Chorcaí.

Micléinn ag filleadh abhaile
Chun ocras an lae a mharú
Thuas i seomraí ’tá acu ar cíos
Thall i dTobar Rí an Domhnaigh.

Cois abhann do shiúlamar:
Scathán de chrainn is binsí
Ag bun gháirdíní na n-uasal-
A gcuid staighrí sios le fána;
Lanúin óg ag blaiseadh póg,
Na lachain ag snámh le chéile.

San óstán tá siamsa is solás,
Ceol faoi choinnleoir craobhach,
Seaimpéin is gloiní seanga:
Corc ag popáil, gáire is gean,
An oíche sa chathair ag titim.

(Read my English version 'Alive By The Lee'.)